Hinde! Walang nasagasaan ng MRT at wala ring nabaril sa sentido. Ang tinutukoy kong nagkalat na utak ay pag-aari ng mga misguided na nilalang na tila nag-excursion ang utak kaya hindi na nakakapag-isip ng maayos.

Unahin natin si Widow #1 na kasasabi lang nung isang linggo na "I'm too old to lead People Power", heto at televised pa ang appeal nya na bumaba na sa puwesto si Aktres #1. Sarili nga n'yang anak di sya sinusunod, si Aktres #1 pa kaya?

Isa pa 'tong si Aktres #3 (yes, dumadami ang aktres!) na anak ng ultimate aktres who loves everything bee-yooo-tiful na sinabi sa interview na si Aktres #2 a.k.a. Widow #2 ang gusto nyang maging pangulo k'se SOLID sya. Kelan pa? Ano kayang reaction ni Aktres #2 at Press 1 & 2 dyan?

Hay, baligtaran dito, baligtaran dun. Kampi dito, kampi dun. Emote dito, emote dun. Ang gulo-gulo na!

Dumagdag pa sa naghambalang na utak ang utak ng ilang libong ralyista sa Ayala nung Biyernes. Alas-3:00 pa lang ng hapon, nagtipon-tipon na sila. Di naman sa nanglalait ako pero mga mukha silang pusakal. Alam ba nila ang pinaglalaban nila? (Guwapo ni kapamilya Alex Santos, by the way) Tanong ko nga kay Fern and JM, may mga sumasama ba sa rally na may ipinaglalaban talagang idelohiya o karamihan talaga sa kanila eh freebies lang ang habol?

Kinakabahan ako. Bilang kawani ng isang American firm, natatakot ako na mag-pullout ang mga onaks pag nakita nilang ganito kagulo sa atin. Pag nag-pullout, wala na. Balik taga-timbang ako ng asukal. (Ayoko na!!!)

Hay, sumasakit ang ulo ko. Uy, sumasakit! Ibig sabihin, intact pa ang utak ko. Tigilan ko na nga ito bago pa sumabog.

Binalibag Ni Choleng ng 8:44 PM at 0 Nagdilim ang Paningin