Marami namang bakante sa bukana ng bus pero puro aisle. Ayoko sa aisle dahil may phobia na ako sa pag-upo dito, nakonyatan na ako dati.

Nakarating ako sa ikalawang hanay mula sa hulihan sa paghahanap ng bakanteng hindi aisle. Wala rin naman akong nakita, no choice, naupo ako sa bakanteng upuan. Aisle din!

"Pfoo!"

Napatingin ako sa katapat kong mama. Tama ba yung nakita ko na dumura siya? Tumingin ako sa sahig ng bus. Namputsa, dumura nga! Dumura sa aircon bus ang gago.

Ang baboy!

Akala ko huli na yun pero muling tumikhim ang mama.

"Pfoo!"

Langya, ni wala pang kape ang sikmura ko, dura agad ang nakikita ko. Tiningnan ko ng matalim si Dura. Deadma, muli siyang nag-ehem.

"Pfoo!"

Kahit umaarangkada ang bus, tumayo ako at lumipat ng ibang upuan. Di bale nang nagmamantika at maitim ang batok ng mamang katabi ko, wala namang plema.

Yuck! Isang karimarimarim at kasulasulasok na umaga!

Binalibag Ni Choleng ng 7:19 AM at 0 Nagdilim ang Paningin