Kasasampa ko pa lang ng jeep at pumupuwesto pa lang ng upo nang walang anu-ano ay nag-landing ang siko ng lalakeng katabi ko sa ilong ko.

'Pag nga naman sinusuwerte ka!

"Aray ko," angal ko sabay sapo sa balangusan. Pakiramdam ko ay napigtal ang ilong ko sa mukha sa sobrang sakit.

"Sorry, sorry ..." sabi ng lalake na sa tantiya ko ay sa call center din nagtarabaho. Long hair ang gago, naka-loose shirt at maong pants, malaking tao at matipuno ang katawan na tila nagdyi-gym. Kaya naman pala parang tinamaan ng palo-palo ang balangusan ko.

Hindi ko nagawang magalit dahil aksidente naman. 'Di na lang ako umimik bagkus kinuha ang panyo sa bag ko, idinampi sa butas ng ilong para tingnan kung nagdugo. Salamat sa Diyos at hindi.

Tumalikod ang lalake at ipinagpatuloy ang nabalam na pagkalkal sa hindi ko malamang parte ng damit n'ya ... tila may dinudukot sa bulsa o may inaayos sa tapat ng noches n'ya ... ay! hindi ko alam. Basta ang likot-likot n'ya!

Mamang long hair, medyo ingat-ingat lang ang kilos. Ang laki mong tao para maglilikot sa jeep. Kung anuman yang kinakalkal mo, ayusin bago umalis ng bahay ng hindi makasunganga ng katabi.

Buset!!!

Binalibag Ni Choleng ng 5:41 AM at 0 Nagdilim ang Paningin