Matapos ang ilang buwan, nasilayan ko ulit ang crush kong kunduktor pag-uwi ko kahapon pero mega-turn off dahil sa narinig kong takbo ng usapan nila ng bus driver at isang naki-hitch na kunduktor.

Mala-pagong ang usad ng sasakyan mula Guadalupe hanggang Megamall gawa ng rally sa People Power Monument (walang kasawa-sawa!), naubos ko na rin ang cookie at Piattos na napremyo ko, saglit na rin akong naidlip at tiyempo namang nakaupo lang ako sa likod ng driver kaya wala akong choice kundi makinig sa usapan nila (habang nagtutulug-tulugan).

Hitch hiker: Saan ka ba matutulog mamaya?

Bus Driver: Eh di sa "kanya". Eto tumawag na nga eh.

Conductor Crush: Teka lang magte-text ako, birthday ngayon ng asawa ko. (At may asawa na pala siya!)

Pumunta sa bandang likuran si Crush para mag-text, sinundan siya ng tingin ni Hitchhiker at sinabi, "May babae si Ruel noh?" (Ruel pala ang pangalan...tsk...tsk... tsk... may babae daw. Sounds family!)

Bus Driver: Oo naman! Gayahin mo ang kunduktor ko, di nagpapahalata!

Hitchhiker: Sabagay, basta di mo naman pinapabayaan ang pamilya mo at nagbibigay ka ng pera sa asawa mo, okay lang.

OKAY LANG DAW, O!

Hay, marami pang sinabi ang Hitchhiker, mga style para hindi mahalata ng asawa ang pambababae n'ya pero di ko na pinakinggan. Nagdilim na ang paningin ko kasabay ng pagdidilim ng langit.

Sinalubong ako ng malakas na buhos ng ulan at matatalim na kidlat sa Megamall. TINAMAAN SANA NG KIDLAT ANG TATLO!

Binalibag Ni Choleng ng 1:07 AM at 0 Nagdilim ang Paningin