Patawarin ako ni Mr. Sy pero may kabulastugan akong ginawa sa Megamall. Di ko naman sinasadya at ni sa panaginip di ko balak gawin. Kasalanan ng madaldal na dispatsadora, pera na naging bato pa.

Bibili naman ako talaga. May napili na akong shoes at kinukuha lang sa stock room eh ang tagal kaya tumingin-tingin muna ako ng ibang sapatos. Nu'n ko narinig sa isang saleslady, "Kokonti ang tao ngayon, natatakot k'se sa bomba ..."

Bigla akong kinabahan. Naalala ko yung email na nagpapaalalang huwag munang pumunta sa Megamall dahil balak pasabugin ng terorista. Teka, ano'ng date ba ngayon?

Paksyet, October 21!

Hindi ko na nahintay ang sapatos. Dali-dali kong nilisan ang mall. Saka na ang sapatos, ang importante, makakapagsapatos pa ako. 'Wag kayong mag-alala, babalik ako. Puntos din sa Advantage card yan, noh!

Binalibag Ni Choleng ng 9:19 PM at 0 Nagdilim ang Paningin