Okay din naman ang latest na pakulo ng kumpanya. Imbes na swimming, carnivale ang napiling tema, dyan lang sa malawak na damuhan ng The Fort.

Corny sa iba pero okay na rin dahil kahit papaano, "family day" ang effect. Nagkaroon ng pagkakataon ang bawa't empleyado na maipakilala ang kani-kanilang asawa, retaso, kapatid, pinsan, dyowa at kung sino-sino pa. Yeah, corny para sa mga adults ang tyangge (yes, concessionaire si Sandara!), mga payaso at mannequin pati na ang giant slide at velcro wall ba yun pero super enjoy naman ang mga bata. Nakaka-disappoint nga lang wala ang dalawang mainstay sa perya - asan nga ang ferris wheel at caterpillar, Don, at nasaan ang daga na pumapasok sa lungga? Di bale, okay din naman ang entertainment.

Habang nilalantakan ko ang hita ng manok ni Mang Kenny, sumalang ang Six Day Notice, official band ng PS. Okay ah, RJ! Pro na pro. Sumunod ang Entwined na sulit na sulit ang bayad dahil siyento porsiyento ang performance at para sa finale, ang Hale.

Favorite ko ang Hale dahil quality band silang maituturing. Pulido ang mga nota (musical notes po) at poetic ang lyrics pero dahil melodramatic nga ang genre nila, hindi sila pang-concert.

Susme! Kulang na kulang sa pakikipagkonekta sa audience ang lead singer na si Papa Champ. Magsalita-dili at kung magsalita man, naka! walang sense. Buti na lang cute siya at kung hindi, 1,000 decibels na siguro ang hilik ng tao. Ewan kung may diperensiya ang sound system pero walang maintindihan sa lyrics (Yes, Tata. SS did not speak clearly at oo, Tata may kanta silang Tagalog!) Parang paungol lagi kaya sabi ko kay Tata, di dapat Hale ang name nila kundi Wail.

Akala ko encore nila ang The Day You Said Goodnight pero laking gulat ko nang pagkakanta ng last song nila (ewan ko kung ano yun) sukat ba namang hubad agad ng gitara at batsi na. Ganun lang yun? Yun na nga lang ang pinakahihintay kong kantahin nila tapos "they said goodnight" na?

Hmp! Bili na rin kayo ng Twilight. Okay naman sila pero listening lang. Ipaghehele kayo. Zzzzz ... ngooork ...

Binalibag Ni Choleng ng 10:38 AM at 0 Nagdilim ang Paningin