Namputsang buhay to. Nawasak na nga ang zipper ng slacks ko, may bonus pang "unfortunate events."

Lunch time, lumabas ako ng office para bumili ng pants dahil ilang oras na kayang sisilip-silip ang puson ko at nagbabadyang umalagwa sa sirang zipper. Mall sana ang puntirya ko o Paseo Center kaso traffic, mainit at good luck naman sa akin kung makabalik ako agad eh Christmas rush.

Sa ukay-ukay malapit sa Tropical Hut ako pumunta. Ikot. Tingin. Ikot. Sinisipat ko ang isang slacks nang lumapit sa akin ang isang babae at nagtanong kung may size yung hawak-hawak na damit. Taka ako. Bakit kaya ako tinanong nito? Nilibot ko ang paningin ko. Langya! Puro pala nakaitim na shirt ang sales ladies tulad ko.

At napagkamalan pa akong sales lady!

Dali-dali akong lumabas ng ukay ukay. Mahirap na, baka muling mapagkamalan. Bumalik ako ng opisina at nagtapi na lang ng kumot.

After shift, dumiretso na ako ng SM Makati para mag-Christmas shopping at bumili na rin ng pants. Nakabili naman ako pero napagpasyahan kong ipagpatuloy ang pamimili at pag-uwi na lang isuot ang pants para makatipid ng oras. Nakaraos naman ako ng pamimili na shopping bags ang siyang pangtakip sa puson ko.

Pauwi, dumaan ako ng CR. Ilang hakbang papasok, narinig ko sa nakasalubong kong lalake:

"Yung babae bukas ang zipper."

Oo na!! Magpapalit na nga eh nakita pa.

Buset!

Binalibag Ni Choleng ng 5:52 AM at 0 Nagdilim ang Paningin