Hindi naman huminto sa pag-iiwan ng kung anu-anong items ang misteryosong hangal na tatawagin ko na lang na Wating pero dahil buong taon ng 2007 eh puro wholesome ang mga iniwan nya tulad ng koala bear na nakayapos, stuffed monkey na nakayapos, glass rose at toys mula sa McDonald's, hindi ko na siya gaanong binigyan ng pansin.

Muli akong nabahala nang dalawang linggo na ang nakakaraan eh nabanggit ng Mom ko na na may iniwan na naman ang "tagahanga ko." Manika daw, nasa ibabaw ng drum sa may labahan. Singlaki ni Barbie pero walang ulo.

Kinilabutan ako, na-curious pero hindi ko tinangkang tingnan ang pugot na manika. Naalala ko bigla ang mga pinaggagawa ni Wating:

http://thejaynamonologues.blogspot.com/2005/05/pang-csi-itoh.html#comments

http://thejaynamonologues.blogspot.com/2006/01/ayan-na-naman-sya-o.html#comments

Isang linggo matapos matagpuan, putol-putol nang natagpuan ang decapitated na manika. Baka raw nainis si Wating, sabi ng Mom ko, dahil hindi pinansin. Umakyat ang dugo sa ulo ko, nagsulat ako ng note at idinikit malapit sa lasog-lasog na manika.


Ang decapitated na manika. In fairness, may necklace pa!


With the note

Huh! I'm sure nabasa na nya ang note by now dahil malaki ang hinala namin na kapit-bahay lang namin siya. Nakakatakot isipin na may nakakapasok sa teritoryo namin nang hindi namin alam.

Susme, tatlong taon na ang misteryo hindi pa rin naso-solve!

Binalibag Ni Choleng ng 8:26 AM at 0 Nagdilim ang Paningin