Hindi ko masyadong pinansin si Frank dahil ang alam ko, sa Visayas siya mananalasa. Hindi ko pinansin nang malaman kong Signal #1 na sa Metro Manila at di rin ako nabagabag nang maging Signal #2 dahil ang alam ko, di tayo dadaanan ng "eye of the storm."

Kaya naman laking gulat ko nang Linggo ng madaling-araw eh gisingin ako ng nagbabalagbagang bintana at pinto gawa nang malakas na hangin at nang papaalis na ako ng bahay eh nagngangalit na ang ulan.

Papasok na ako ng malaman kong Signal #3 na pala sa Metro Manila!

Grabe, ngayon ko lang naranasang pumasok ng Signal #3. (Rest day k'se ako nung dumaan si Milenyo) 'Tong laki kong 'to, halos tangayin ako ng hangin at ang heavy duty kong payong, bumaligtad!

Patayan din sa transpo kaya naman ang unang-unang Ayala bus na nakita ko sa Edsa, sinakyan ko kaagad. Kesehodang ordinary pa siya at tumutulo ang bubong.

Talaga namang basang-basa ako kaya naman pagdating sa office, naghubad talaga ako at naghagilap ng saya'ng maipangtatapi habang pinapatuyo ang tumutulo kong pants!

Hay, lesson learned. Dapat lagi kang handa at well-informed sa nangyayari sa paligid. Mahirap palang mabulaga katulad ng nangyari sa lumubog na Princess of the Stars.

Hay, Frank.

Binalibag Ni Choleng ng 7:33 AM at 0 Nagdilim ang Paningin