Makalaglag-matris sa bigat ang pinamalengke ko. Pawis na pawis, walang ka-glamor-glamor at pa-ese-ese kong binaybay ang eskinita patungo sa amin. May mag-inang nasa unahan ko, tila naglalakad sa liwanag ng buwan. Naka-school uniform ang bata at malamang sinundo ng ina. Napalingon ang bata sa akin, biglang huminto.

"Tita..." natilihan nang ma-realize siguro na hindi ako ang inaakala nyang kakilala nya, kumapit sa ina. Bahagya kong pinandilatan ang bata (gawain ko yun sa mga hindi kakilalang bata), nag-overtake at bigat na bigat na ako talaga sa dala ko.

Hustong nakatalikod ako, narinig kong sinabi ng nanay sa anak:

"Akala mo si Tita Taba noh?"

Gusto kong balikan ang ina at hambalusin ng bangus na binili ko pero nakapagpigil ako.

Hmp! Sama ng likaw ng dila, sarap lagyan ng asin! Taklesa!!!

Binalibag Ni Choleng ng 7:49 AM at 0 Nagdilim ang Paningin