A. Venue Hall ang rampa ko on a Saturday evening bilang pagsuporta sa pambato ng APS na si Js Calpito sa Contact Center Icons 2010 (saka takot ko lang kay Chie). Planong full force sana ang mga Idols dahil balak mag-sing along pagkatapos ng contest, pero sa kasamaang-palad, kami lang ni Jomar (ODB) ang nakarating. Hindi naman ako nagsisisi sa pagpunta dahil sobrang nag-enjoy ako sa panonood.

Michael Jackson ang theme ng patimpalak na nahati sa dalawang kategorya -- song at dance. Suwerteng naabutan namin ang number ni Jas kaya nakapalakpak, sigaw at wagayway pa ng lobo pero sawing-palad namang hindi napanood ang ibang kalahok.

Mula sa hindi ko matandaan na bilang ng representative mula sa iba't-ibang call centers, pumili ng finalists at di na ako nagulat na kasama si Jas k'se angat talaga ang boses. Hindi ko man narinig kumanta lahat sa unang round, sapol naman ang performance ng lahat ng finalists.

Base sa kalibre ng mga boses, sabi ko kung hindi first, second si Jas. Ilang beses na rin akong nakapaghurado sa mga singing contests kaya medyo may pulso na ako sa larangan. Bagama't maganda ang areglo at rendition ni Jas ng I Just Can't Stop Loving You, may kabilisan ang tempo ng kaya hindi gaanong nakapaghagod ng kanta. Suwabe at malinis naman ang Gone Too Soon ng taga-CPMJ (Michael yata pangalan ... grabe, na-move ako sa kantan n'ya).

Nang lumabas ang resulta, laking gulat ko nang mag-champion ang inaasahan kong 3rd place but then again, talaga namang ganyan sa mga contests. Judges lagi ang nasusunod at hindi ako judge para umepal kaya tanggapin ko na lang ang resulta.

Marcus of GenPact

Anyway, para maging ikatlo mula sa sandamakmak na kalaban ay isa nang napakalaking karangalan. Tanong ko nga sa sarili ko: kung sakaling may ganito pang patimpalak sa isang taon at ako ang ipadala, makasungkit din kaya ako ng premyo? Makakayanan ko ba ang pressure?

Ay, huwag munang isipin ang bagay na wala namang katiyakan. Basta, isang bonggang-bonggang congratulations sa yo, Jas. Para sa akin, ikaw ang winner (cliche?)

Jas supporters

Binalibag Ni Choleng ng 11:51 AM at 0 Nagdilim ang Paningin