Bakit ganun? Lahat magaling lang sa umpisa?

Ilang applicants na ba ang halos mabali ang leeg sa katatango sa bawa't kundisyones ng inaaplayang kumpanya? "Willing to be transferred?" Tango. "Willing to work shifts." Tango. Pag natanggap naman, ilang buwan lang ang lumipas, late dito, late dun, absent dito, absent dun at ang dami nang reklamo.

Hindi yan nalalayo sa isang manliligaw kung saan si binata kulang na lang ialay ang langit, ang buwan at "pitasin ang mga bituin sa langit" marinig lamang ang matamis na "oo" ng nililiyag o dili kaya ay isang salesman na puro pangako pero sa bandang huli, lahat napako.

Savor it while it lasts ang drama. Isa itong bagay na kailangan nating tanggapin. Hindi naman sa nilalahat ko mas malamang sa hindi ganyan lagi.

Huwag na lang umasa para huwag masaktan.

Binalibag Ni Choleng ng 12:14 AM at 0 Nagdilim ang Paningin