01.02.06

Kaybilis ng panahon. Parang kailan lang 2005 lang, ngayon 2006 na. Ano nga bang mga makabuluhang bagay (at mga walang kuwentang bagay na rin) ang nangyari sa nagdaang taon?

Isa-isahin natin.

1. Salamat sa Metanoia, na-discover ko ang natatago kong talent sa bowling. Kahit papaano, nabahiran ng "sports" ang buhay ko.

2. Matapos ang walang humpay na Movers Program ng DR, finally, napako na rin sa PS Center. Ganunpaman, kakambal na yata ng account na ito ang "movement" kaya napirmi nga ang account, hindi ang mga reps. Ilang linggong hihimpil ang newbies sa DR para magsanay (at mag-internet cafe) tapos ibabalibag sa ibang account.

Note: Bandang September, biglang naging "call center" ang dating "internet cafe" na DR sa pagpasok ng sandamakmak na resellers. (Salamat sa Lead Gen!) Pansamantalang natigil ang regodon ng reps bagkus nangailangan pa.

3. Salamat sa kaepalan ni Binay, ginawang sentro ng aklasan at Gloria Resign Movement ang Ayala corner Paseo de Roxas. Parusa sa working girls, guys and gays.

4. Nakarating ako sa halos dulo ng Pilipinas nang maimbitahan ang Metanoia sa Camiguin, Babuyan Islands.

5. Tumaas na naman ang pamasahe. All time high P2.00 para sa jeep, FX naman from P25.00 naging P30.00.

6. Salamat sa pag-uso ng "rewind" muli kong napanood at napanood hanggang dulo ang Meteor Garden (eh bakit ba, ayoko'ng manood ng cd eh!)

7. Meron akong "stalker" na hanggang ngayon ay nagpapadala pa rin ng manikang walang paa at kamay.

8. May bagong Pope na mula sa Germany. Kahawig daw ni Palpatine.

9. Naghigpit nang dumating si Soxy Topacio. Bawal ang cellphone, bawal ang bag. Clean Desk Policy ... 2 bagay lang ang puwedeng dalhin sa floor. Nag-The Voice si Choleng, ayun, nahabag. Puwede na raw ipasok ang kikay kit at baon. Yung sandwich may palamang cellphone ... ha ha ha!

10. 3 IJAFs, 3 "thank you" letters. Balanse!

11. Dahil sa katangahan, nawala ang cellphone ko nung November 1. A week after, bumili ako ng 6610i pero two weeks later, nanalo naman ako ng 7260 sa DR raffle. Sa'n ka pa? (Simula naman nang manalo ako sa raffle, sunod-sunod ang suwerte. Kahit mini-raffle ng Lovester, wagi pa rin ako! Salamat sa spa, Don.)

12. Mula sa isang reliable source, nalaman kong nakulong ang nasira kong asawa. Illegal possession of drugs daw. Sa kasamaang palad, nakalaya ang hunghang matapos ang tatlong buwan. Napawalang-bisa ang kaso, na-frame up lang daw. Nun ko na-realize ko kung gaano pa rin katindi ang poot ko sa kanya.

13. Isa sa tatlong goals ko ang natupad, ang maging Mighty Moi awardee. Tumataginting na 10 kiyaw kaso dumaan lang sa kamay ko dahil nai-pledge ko kay mudra na iko-contribute ko sa beautification ng aming kusina.

14. Ipinakilala ang My Prime bago matapos ang taon. Wow, paperless PTO! It's about time dahil masyado na tayong atrasado.

15. Ang pinakamakabuluhang bagay na ginawa ko sa taong ito (sa aking palagay): sinimulan ko ang blog na ito. Simpleng skin nung una, pinaganda ni Kenny (Salamat sa yo! Special thanks din kay Madam Etchos para sa mumunting pagkutingting) Nung una puwede kang mag-post kahit kelan mo gusto pero sobrang sumikat ang blogger.com na-access denied tuloy. Mabuti na lang, puwede kang mag-post through email kaya tuloy-tuloy lang ang pagmomonologo ni Choleng sa 2006!

Binalibag Ni Choleng ng 1:13 AM at 0 Nagdilim ang Paningin