08.09.06

Last time nagkita-kita ang Intimate Friends was 2002 kaya hindi magkamayaw ang chikahan, tawanan at chismisan nang magkita-kita kami ulit sa Megamall last Saturday.


Roll Call (L to R:) Wilma, Cecille, Me and Pac Ella ...


Late ... Imee (kasama pa rin si Ella) ... Absent: XTY

Naku, nabulabog ang apat na sulok ng Pizza Hut at kung puwede lang siguro kaming ipagtabuyan ng mga crew paalis, siguro ginawa na nila kse mahigit na apat na oras yata kami dun!

Matagal nang nabuo ang aming samahan, way back Pocketbell days pa (sa sobrang tagal, di ko na maalala kung anong circa ... 90's yata!) pero matagal mang hindi kami nagkikita-kita, hindi halata dahil sa kakulitan namin. Parang kahapon lang kami huling nagkita!


Mga Retaso ni Mrs. Abedejos (Cecille) at Mrs. Cruz (Hindi ako, si Wilma!)

Marami mang pagbabagong naganap sa barkada -- nadagdagan pa ng anak ang may asawa't anak na, nagkaaasawa na ang single, nahiwalay na sa asawa ang nag-asawa, nagka-boyfriend na ulit ang walang boyfriend at naghihintay pa rin ng Mr. Right ang walang boyfriend -- pero isa lang ang hindi natitinag at nabubuwag ... ang aming pagkakaibigan.

God knows kung kelan mauulit ang masayang reunion na ito pero panigurado sa muli naming pagkikita, kami pa rin ang Intimate friends na makukulit, maiingay, tsismosa, oo nga't mga nagkakaedad na pero may asim pa rin!

Binalibag Ni Choleng ng 1:57 AM at 0 Nagdilim ang Paningin