Sa wakas matapos ang ilang linggong drama, nag-proclaim na rin ng Top 10 Senators sa Plenary Hall ng PICC.

Very casual ang atmosphere, di karamihan ang tao kaya naging "intimate" ang okasyon. Sapat para makakalap ako ng sampung observation kahit wala ako dun at nakatutok lang sa TV Patrol World:

1. Filipino time talaga. 7:00 PM daw simula pero nagpa-dramatic entrance pa sina Manny at Kiko Pangilinan. Ano ba yan, proclamation pa lang late na!

2. Bad ka, Joker. Ba't wala ka?

3. "se-neigh-tor" kung banggitin ni Comelec Ben Abalos ang "se-ne-ter." Lampas dalawampung beses nyang sinabi, ibig sabihin ganun talaga ang pag-pronounce nya.

4. Nakalimutan ni Comelec Chairman ang date. June 7 ang unang sinabi, sabay tanong sa katabi, "June 7 ba?" Tama, Chairman. June 6 pa lang ngayon.

5. Ultimate heartthrob si Chiz. Panalo ang japorms. Yung iba kuntodo coat and tie, sya pang-asar na naka-maong (nice fit huh), white polo (love the way it's creased way up to the arms!) at pamatay na shoes na sana ay lisensiyado.

6. Abot hanggang tenga ang ngiti ni Allan Peter Cayetano. Ikaw na ang maging "most colorful" na senador.

7. May galit yata si Noynoy sa isa sa mga Chairman. Sukat ba namang ilaglag ang name tag.

8. May Noynoy Aquino Highway na pala. Nasa ulo nya.

9. Yes, karay-karay na naman ni Kris si James.

10. Bakit ba nangengeyalam ako, hindi naman ako nakaboto!

Binalibag Ni Choleng ng 9:49 AM at 0 Nagdilim ang Paningin