Alam ko magpapa-hair spa siya kaya kumuha ng P1,000 sa nanay ko. Laking pagtataka ko lang nang matapos mailagay sa akin ang pera, kasama rin ako ni Nanay na ibinalik sa taguan. Bagama't nagtaka, natuwa na rin ako.

Ayos! Tagal na rin naming di nagkakasama ng Nanay.

Dati, magkasama kami palagi ni Nanay pero nang maging 6 AM ang pasok ni amo, pinaghiwalay na kami. Ako na lang ang laging isinasama ni Bossing at iniiwan na lang ang kabuuan ng pera nya kay Nanay.

Daily expenses lang ang dala-dala ko.

Gabi na ng dumating ang amo ko. Nagtaka at nagulat ako. Pagbukas nya ng aparador, tuwang-tuwa nang makitang magkatabi kami ni Nanay. Ayun, dinaklot ako at nagtatakbo sa Mommy nya. Hindi magkandatuto sa pagkukuwento.

Ayun naman pala!

Akala nya nanakaw ako. Bale ba eh nasa bus na si Bossing at nang malamang nawawala ako eh bumalik pa sa opisina, ini-report sa mga guwardiya ang pagkawala ko. Akala nya kse, doon ako nasikwat. Ayun, nagulo ang balahibo ng lahat. Todo interrogate ng head security si Bossing. Inalerto at kinausap ang tagalinis, pinataob mga basura at pina-review ang video ni Kuya.

Hay naku!

Sa hiya ng amo ko, hindi na lang inamin ang pagkaiwan nya sa akin kay Nanay. Pinanindigan na lang sa mga guwardiya ang pagkawala ko.

Tsk ... tsk ... tsk ... tatanga-tanga kse!

Binalibag Ni Choleng ng 8:47 AM at 0 Nagdilim ang Paningin