Sobrang nagandahan ako sa Transformers kaya dalawang beses kong pinanood. Una, kasama ang mga girlfriends ko (Clio and Kathy) tapos kanina, ang pamangkin kong si Emjhay.

Wrong move na inulit ko ang panonood dahil "never as good as the first time" talaga. Second time around, hindi na kasing-exciting at bagama't kahanga-hanga ang effects (siyempre, Spielberg eh) sumibol ang mga katanungan.


Tropang Optimus

Bakit si Sam pa ang naatasang dalhin ang cube sa building na ikinabingit pa ng buhay ng bata eh puwedeng namang isa sa mga Autobots ang mag-abot sa mga militar? Ilang hakbang lang sa kanila yun at maano ba naman kung tinutugis sila ng Decepticons? "Son, we will protect you." Hunghang, eh kung ikaw na lang kaya?


Transformers ... more than meets the eye

Bakit inutusan ni Optimus Prime si Sam na sa dibdib nya ilagay ang "All Spark" kung sakaling talunin siya ng pagkapangit-pangit na Megatron eh puwede naman palang sa dibdib ni Megatron isaksak?

Alam ko naman ang sagot. Dagdag drama at character sa pelikula, oo na.

Basta maganda ang pagkakadirihe ng pelikula. Sulit na sulit ang P121 saka P110.

Binalibag Ni Choleng ng 6:12 AM at 0 Nagdilim ang Paningin