Bowling o swimming dapat ang birthday celebration ng kapatid ko pero dahil matagal nang iniuungot ng mga bata at karamihan sa amin ay hindi pa nakakapunta sa Star City, doon kami napadpad.

Puwede na rin. Reasonable ang P300 na entrance para sa ride-all-you can. Hindi nga lang namin nasakyan ang lahat ng rides dahil sa dami ng tao. Suweldo kse at holiday pa the next day bukod pa sa naubos ang oras namin sa kahahanap sa kasama naming dalawang senior citizens na laging nawawala at mas gusto pang laging nakaupo kaysa sumunod nang sumunod sa amin (syempre, senior eh!). Nasulit rin namin ang entrance sa dami ng attractions na pinasok at rides na sinakyan namin.

First stop, ang super exciting na Grand Carousel. Enjoy na enjoy ang mga bata at isip-bata.


Birthday girl with the kids and feeling kids

Halos mabutas ang bumbunan naming matatanda dahil puro kiddie rides pa rin ang isinunod naming sakyan -- ang nakakaantok na Red Baron at Kiddie Wheel. In fairness, enjoy ang Wacky Dragon at Wacky Worm (puro Wacky) pati na rin ang Telecombat.

Pinasok din namin ang walang kakuwenta-kuwentang Little Mermaid Boat Ride (na puro agiw ang kisame). Ang mahadera kong pamangkin, kahit ilang beses naming sinabihan na Ariel ang pangalan ng mermaid, Dyesebel pa rin ang tawag. Jologs talaga!

Nakipagpatayan pa kami sa pila ng Snow White only to find out na dalawang ikot lang ito na train ride na ang tanging makikita ay ang wooden tableau ng fairy tale.

Wala ring kalatoy-latoy ang Peter Pan. Forgettable. Madilim kaya natakot ang mga bata pero nang makita ang sirena, hala kahit takot nagpakuha ng picture ang pamangkin ko!


Jenny with "Dyesebel"

Pagkatapos ng pambata, rides naman namin. Nagising ng natutulog kong diwa sa Super Viking at nakalog naman ang utak sa Blizzard (lekat, nawala pa ang isang hoop earring ko!)

Inatake kami ng daga kya hindi namin nasakyan ang Fying Carpet, Surf Dance at ang bagong Star Flyer. Sasakyan namin dapat ang Wild River kaso sarado. Sayang!

Hindi man namin nasakyan, nagpa-kodak na lang kami. Jologs!


Star ride, Star Flyer

Final picture, wala ng tatalo pa sa larawang kasama ng mga buto.



Hindi naman nagpahuli sina Mudra at Pudra.



Pansin nyo bored to death ako pero teka nga, nagpunta kami dito para sa mga bata, di ba? Ang makita ang nagniningning nilang mga mata at makulili ang tenga sa walang humpay nilang kakukuwento, yun ang tunay na attraction!

Oo na, matanda na ako!


Borlog pauwi

Binalibag Ni Choleng ng 9:40 AM at 0 Nagdilim ang Paningin