Hindi ko alam kung mabubuwisit o maaaliw ako sa ilang mga nanay na sumasakay ng jeep na may kasamang anak, hindi ipagbabayad pero ayaw namang kandungin. Hindi bale sana kung toddler pa yung anak nila pero minsan medyo malaki na (mga 6-8 years old ba, yung puwede nang ipagbayad?)

Ang titigas ng mga mukha ha. Kahit may sasakay at kitang-kita namang wala nang mauupuan, kahit medyo matagal nang nakatuwad ang pobreng pasahero sa paghahanap ng bakante, hala, hindi pa rin titinag ang mga mukhang kuwero. Kung hindi pa magpalahaw ang driver ("May bayad po ba ang bata? Pakikandong na lang po") hindi pa kikilos ang mga bruha.

Hay, ang nagagawa nga naman ng P8.50 ang minimum fare.

P.S.

Oo na, ako yung pasaherong nakatuwad. Aangal ba ako kung hindi ako???

Binalibag Ni Choleng ng 8:57 AM at 0 Nagdilim ang Paningin