Sobrang panghihinayang na hindi ako nakapanood ng reunion concert ng Eraserheads. Gustuhin ko man, hindi kaya ng schedule ko at hindi rin kaya ng damdamin ko na magbayad para lang makipagsiksikan. Yes, sobrang fan ako pero hindi ako hangal. Besides, hindi naman talaga Eraserheads ang paborito ko kundi ang utak ng banda, si Ely Buendia.

Sayang at hindi natapos ang reunion concert gawa ng atake ni Ely pero siguro naman, solb na ang mga nanood sa 15 kanta. Sadya lang talagang sentimental ang mga Pinoy kaya kahit kabisado na nila ang kanta ng grupo, dinumog pa rin nila ang concert.

Yes, I'm a fan pero praktikal na fan. Hihintayin ko na lang ipalabas sa TV ang concert. Komportable na, libre pa. 'Yung nakita ko si Ely ng malapitan noong Christmas party namin, masaya na ko. Harinawang lumakas na si Ely at lumawig pa ang buhay dahil marami pa siyang kantang maiaambag sa industriya.

Praktikal daw ... kuripot!

Binalibag Ni Choleng ng 5:56 AM at 0 Nagdilim ang Paningin