Naiintindihan ko na gawa ng hirap ng buhay at patuloy na pagtaas ng pamasahe kaya dumarami ang sumasabit sa jeep pero sa halos araw-araw kong pagyayao't-dito, pansin ko lang, mas lamang yata sa sumasabit eh puro kabataan at minsan eh tropa-tropa pa?

"Kuya, pasabit. D'yan lang..." ang pasakalye ng mga ungas na kalimitang mula 3 hanggang 4 na kabataan. 'Yung d'yan lang, mas malamang sa hindi isang barrio ang pagitan. Isipin n'yong pakialamera at mahadera ako pero hindi maiwasang hindi ako mainis dahil heto ako na kumpleto ang bayad, nasa-suffocate dahil sa naghambalang na paniki (mahilig k'se akong umupo sa dulo ng jeep, malapit sa babaan) Minsan pa naman, may aroma ang mga sumasabit.

'Tong mga batang 'to. Wala na ngang pamasahe nagagawa pang gumala. Kaya minsan ayaw kayong pasabitin ng driver k'se abuso na kayo. Hoy, magsiuwi kayo at tulungan ang mga magulang n'yo'ng lutasin kung saang lupalop hahanapin ang pambayad sa tuition n'yo.

Hmp!

Binalibag Ni Choleng ng 7:37 AM at 0 Nagdilim ang Paningin