Kagimbal-gimbal ang stampede na nangyari sa dapat sana ay masayang anniversary ng Wowowee.

Unang anibersaryo pa naman pero 74 ang patay at maraming sugatan dahil lamang sa kagustuhan ng mga kawawang nilalang na manalo ng tricycle, jeep, bahay at lupa pati na rin salapi.

The way I see it, wala ring dapat sisihin sa nangyari kundi ang host na si Willie. Ikaw ba naman ang araw-araw na ipasok sa kukote ng manonood at ikondisyon ang kanilang mga utak sa paulit-ulit na pagsabi ng mga palasak na phrases.

"Ang show na ito ay para sa mahihirap..."

"Lahat ng ginagawa namin ay para sa inyo..."

"Gusto naming mapasaya ang mga mahihirap..."

Mild brainwashing ang tawag dyan. Pampataas ng rating. Pangkuha ng simpatiya.

Sa isang banda, kagustuhan din naman ng mga tao na makipagsiksikan sa ULTRA. Sa hirap ng buhay, sino ba naman ang ayaw na magkaroon ng tricycle, jeep, house and lot at limpak-limpak na salapi?

Kapag hirap ng buhay ang pinag-uusapan, mapapasok na naman sa usapan si Tita Glo. So, may kasalanan din ang pangulo sa nangyari. Kung hindi ba naman naghihirap ang Pilipinas, hindi na sana dinumog ang ULTRA, wala sanang stampede na nangyari.

Hay, para tayong naghahanap ng karayom sa dayami. Mahirap tukuyin kung sino ang salarin. Isipin na lang natin na talagang nakatakdang mangyari ang lahat. Isang eye-opener na rin na walang madaling paraan para magkapera at hindi dapat iasa ang kapalaran sa mga game shows.

Binalibag Ni Choleng ng 1:58 AM at 0 Nagdilim ang Paningin