02.22.06



Para maiba naman ang birthday celebration ni Pudra (Daddy ko), bowling naman kami sa Megamall.

Yabang ko pa nung una. Very confident ako na ako ang mananalo dahil mas madalas akong mag-bowling kaysa kanila pero nagkamali ako.

Si Tet, yung sumunod sa akin, nagka-trophy na yan sa bowling pero ilang daang taon na yun kaya alam ko kinalawang na siya. Ang Daddy naman, huling laro daw nya nung binata pa siya at uso noon eh duck pin pa. Si Ellen, yung pangatlo, once pa lang yata nakalaro. Natakot lang ako kay Girlie, yung bunso namin. Kuwento k'se nya na huling laro nila eh nilampaso nya ang Egyptian nyang boyfriend.

Pero tulad ng basketball, bilog din ang bowling ball.

Biruin n'yong unang game eh nanalo pa si Ama at second lang ako pero nung pangalawang game, kulelat ako. Strike dito, strike doon ang ginawa ng mga kalaban. Si Girlie naman na akala ko magaling, ay naku! Magaling nga ... magaling magpakanal! Hanep!

Masaya at kakaibang experience dahil naiibang "bonding session." Sana nga lang nagdala kami ng BenGay kse immediately after the game, 5"4-5"6 na ang lakad ni Pudra. Iika-ika na at masakit ang balakang at paa.

Hay, ganun pala kapag senior citizen na.

Binalibag Ni Choleng ng 6:52 AM at 0 Nagdilim ang Paningin