08.24.06

Walang dating sa akin ang email nang una kong mabasa pero habang binabalik-balikan at ninanamnam ang laman, ang balak ko'ng pananahimik ay isasantabi ko muna. Hindi ko talaga maatim na hindi mag-comment lalo na't mga "morning shift" ang binabatikos dito.

Hindi na ako magbabanggit pa ng detalye hinggil sa ugat ng issue dahil baka mahahalungkat pa ang di naman kahalu-halungkat. Ewan ko nga ba kung bakit isinulat ko pa to eh halos patay na ang issue. (Naku, kung hihingi kayo ng kopya ng email, mabibigo kayo. Lahat ng may kopya ay burado na.)

Hayaan nyo na lang na sagutin ko ang mga kasagot-sagot na bahagi ng liham (libre naman eh) na bagama't hindi ako ang isa sa "lucky" recipients, karampatan lamang na sumagot ako dahil unang-una, "haligi" na ako ng morning shift at sa halos tatlong taon kong pamamalagi dito, ngayon lang nangyari na may nagpadala ng anonymous hate mail patungkol sa mga pang-umaga.

Heto ang mga kasagot-sagot na tinutukoy ko:

You all know what I am talking about and you all know what you did. Hmmm ... ano nga bang ginawa namin? Matay ko mang isipin, "nanukso" lang naman kami at di naman bawal yun, di ba? Kulturang Pinoy na ang manukso sa isang pares na mukhang nagkakapalagayan ng loob -- higit pa sa isang environment na madaling magkakahulugan ang loob dahil sa "propinquity."

Susme, ang pseudo-love team nga na itago na lang natin sa theme song na "Inseparable" sagad hanggang buto - mapaharap o mapatalikod - hayagan ang ginawa naming panunukso pero walang naging issue. Ano namang ipinagkaiba nila?

I cannot comprehend the reason for such behavior towards a very kind and caring person. Ano nga yung "such behaviour" na yan? Inapi ba? Minaltrato ba? Pinagtulungan ba?

Let's not forget that everyone ate the fuckin food that she has bought for all you dogs out there. Ay, foul 'yan! Si Celia Rodriguez at Donya Menang lang ang ipinunumbat ang mga ipinakain! I'm sure kahit ang bumili ng fuckin food na yan ay ni hindi naisip isumbat ang ipinakain nya dahil mabait siyang tao. Umayos ka!

There can be no sweeter and more harmonious shift than the morning DR shift, Or so we thought. Well BULLSHIT! Everyone is just trying to be close to anyone just to scoop a morsel of gossip. What a nice reputation. Matapobre ka na, opinionated ka pa. Close naman kami talaga (I'm referring to the "original" AM shift ha) at ang samahan namin ay walang anumang bahid ng kaimbabawan, kaartehan o kaplastikan. Ilang buwan na rin kaming magkakasama, taon pa yung iba, kaya kahit papaano, may malasakit at pagpapahalaga na kami sa isa't-isa ... alam na namin ang kanya-kanyang likaw ng bituka. Baka ibang "morning shift" ang tinutukoy mo ... wag mo namang lahatin!

I have never seen such well orchestrated friendship. Everyone SEEMED to be family. Hindi "seemed" ... talagang family kami at hindi yan orchestrated. Again, I'm talking of the "original AM shift." Again, let's not "generalize."

M*m* has not done nothing wrong to them for her to deserve such connivance. What connivance? Mabigat na salita ang "connivance" ha. Parang pinagtulungan eh, inapi, kinawawa, pinagkaisahan ...

The infamous word becky has been used to describe the homosexuals. And there are one or more homosexuals involved in this magnified controversy which are either friends or foes. Natapos ko nang basahin ang letter pero hindi ko pa rin alam kung ano talaga yang "magnified controversy" na yan. Hay, bahala ka na nga. Opinyon mo yan eh.

Kung sino ka man Anonym Mus, I think you're making mountains out of a molehill. Walang minaltrato, walang connivance, walang sunog ... usok lang.

Ayan, nakahirit na ako. Makakatulog na ako ng mahimbing.

Binalibag Ni Choleng ng 8:58 AM at 0 Nagdilim ang Paningin