Nag-leave ako para makipag-practice sana sa makaka-duet ko sa kasal ni Haydee (former officemate) ang kaso, nag-text ang bride-to-be na choir na lang daw ang kakanta ng request n'yang The Prayer at sa reception na lang daw ako. Ayun, nakasama tuloy ako sa binyag ni Claudia, unica hija nina Chichay at Gordon (mga ka-COF -- Circle of Friends).

East Club House Cainta ang venue, sa Galleria kami nagkita-kita. First batch kme nina Ollie at Bonj (siyempre, kailangang di ma-late ang ninong), second batch sina Mannix, Kulot at Jomarie dahil late ang Supergirl. Walanghiya yung taxi'ng nasakyan namin! Porke mukha kaming mayayaman sukat ba namang tagain k'me! Akalain n'yong hindi pa nag-iinit ang puwitan namin, lampas P100 agad ang metro. 'Di ko pansin nung una dahil katabi ko ang driver pero nang i-text ako ng dalawa, tinutukan ko na ang metro at kataka-taka'ng mula nang titigan ko, biglang bumagal ang patak. P150 ang final na metro. Hmp! Kawatan!

Nakakaasar, nagmadali pa mandin kami yun pala ginoyo lang kme ni Chichay at inagahan ang call time. Tawa tuloy nang tawa ang grupo nina Mannix, especially si Jomarie, dahil sobrang nagmadali kme yun pala kami ang unang-una sa venue. Sina Mannix naman, okay nga yung taxi'ng nasakyan, mabilis at okay ang metro ang kaso nahuli naman. (Wat da!)

Sulit naman ang ordeal dahil bukod sa masarap ang food, kaiga-igaya ang kapaligiran (cute na cute ang clubhouse sa pink and purple na motiff, daming balloons, butterflies at kung anu-ano'ng pa-cute na abubot) rubbing elbows na with the celebrities, may pasalubong pa mula sa mag-asawang Browne mula sa lupain ng bagpipe! (sa'n ka pa!)

COF

Bongga! Tsura ng ABS CBN party ang binyagan dahil andun si Cory Vidanes, isang tanyag na fashion designer na di ko maalala ang pangalan, ilang personalities na hindi ko kakilala pati na ang buong Pratts family dahil ninong si John. Bakit kamo star-studded? Eh kapatid lang naman kse ni Chichay ang namayapang magaling na director na si Manong Gilbert Perez.

Asar-talo si Bonj. Naluto sa kakakantiyaw namin dahil bigatin na nga naman. Imagine, Cory Vidanes as kumare tapos kumpare si John Pratts. Astig! Sabi nga ni Mannix hingan ng ticket ng 'Ang Tanging Ina N'yong Lahat.' Kapal!

Mula sa clubhouse, lumipat kme sa tinitigilan ng mag-asawang Browne na di naman kalayuan. Haybol pala ito ni Manong Gilbert na naging permanent residence na ng mga Perez mula sa dating bahay nila sa Novaliches. Mula sa labas, naalala ko ang bahay ng mga Cullens sa 'Twilight.' Impressive ang disenyo ng bahay, salamat sa Rain-look alike na binata ni Chichay (pinakaguwapong inaanak ni Ollie ... malas na Benjo), nalibot namin ang buong kabahayan. Impressed ako sa disenyo. Maganda at very minimal, black, white, silver and black ang dominant color ... tsura ng mga bahay sa Beverly Hills.

Chichay, Gordon, Claudia, Rain ... este Benjo and the rest of the Perez family, maraming salamat sa lahat. Hanggang sa susunod na binyagan! Ngek!

Binalibag Ni Choleng ng 8:16 AM at 0 Nagdilim ang Paningin