Hectic ang Sundays ko pero mas hectic today dahil dalawa ang okasyong kailangang daluhan.



Sacred Heart Kamuning.

Binyag ang okasyon pero feeling ko, nasa isang classroom kami na sinesermunan ng istriktang guro sa estilo ng pagpapaliwanag ng assistant ng priest sa kung ano ang gagawin sa bawa't bahagi ng seremonya.

Informative sana pero sarcastic ang tono ng bruha na tila ba sawang-sawa na sa ginagawa nya kaya naantipatikahan kami. Baptism proper na nga, hindi pa rin kami tinantanan at 'di iilang beses na nag-comment na: "Hindi kse nakikinig, eh." Mabuti na lang at mabait ang officiating priest at isang oras lang ang seremonya kaya di ko na siya muling makikita.

Boris Maximus, nawa'y wag kang magmana kay Manang. Welcome to the Christian World!



The Fort.

So-so Party ang tawag ko sa company Christmas Party namin which they ironically dubbed as Intensity. Sa lahat ng 'intensity,' ito ang walang kadating-dating.

'Di kagandahan ang venue, di kakinisan ang sahig, di kasarapan ang food, di kabonggahan ang raffle, di kagandahan ang program at bagama't di kabonggahan ang mga banda, panalo naman sa talent especially ang The Dawn.

Kung natuloy siguro ang mga games tulad ng habulan ng sawa, belly dancing contest at patagalang humiga sa bed of nails baka mas naging exciting pa ang party pero salamat sa The Dawn with Buddy Zabala on bass, nagkaroon ng buhay ang So-so party.

Huling epal:

Para raw sa matatagal na sa kumpanya ang pina-raffle na Chery pero bakit kaya per digit ng winning number ang ni-raffle? Luck lang pala ang labanan, 'di agad sinabi. Nabalewala lang yung 4 tickets namin ni Tata, 5 tickets ni Love at 8 tickets nung isang QA namin.

Ewan ko sa inyo. Basta kami, nagkape na lang sa Bonifacio High pagkakanta ng The Dawn.

Binalibag Ni Choleng ng 10:29 PM at 0 Nagdilim ang Paningin