Hindi ako makapaniwala sa kinalabasan ng laban nina Pacquiao at de la Hoya. Imagine, liyamadong-liyamado na nga si Oca sa lahat ng bagay -- height, reach, "length" (nakita nyo ba ang "flag ceremony" bago sya timbangin ... ahahayyyy) pati na rin kaguwapuhan pero nabalewala lahat yun nang gawin siyang punching bag ni Manny.

Ano nga bang nangyari? Nasaan na ang pangako nyang ipaghihiganti ang mga Mehikanong napatumba ni Manny? Kung hindi lang masamang mag-isip ng masama, iisipin kong inilaglag ni Oca ang laban. Imagine, yung laki nyang yun nirapido na ng suntok, ni hindi man lang nakaganti at kung nakasuntok man eh tila tiyopeng manok?

Sa isang banda, mukhang hindi rin naman nilaglag dahil may pangalan (at mukha) siyang pinangangalagaan. Humina lang siguro si Oca dahil sa ginawang pagpapapayat (at pag-acupuncture, sabi ni Manny). May isang round nga na niratrat ni Oca ng suntok si Manny habang ang isang kamay nya eh nakasapo sa ulo ng pambansang kamao. Ayos ah! Parang rambulan lang sa kanto.

Ito namang si Karylle, dumayo pa ng Las Vegas para mamutla at lumunok ng laway pero at least, di siya nagkamali like Christian Bautista. Ang nakakairita eh ang tila nakainom na kumanta ng Star Spangled Banner na feeling magaling. Nakapamaywang pa, di man lang nahiya kay Mariah at Beyonce na tila ginagaya ng hitad.

Hay! Anuman ang mga nangyari at naging eksena -- may anomalya, kapalpakan at katatawanan man, ang importante nanalo si Manny, bida na naman ang Pinas at nanalo ako sa pakikipagpustahan sa kapatid ko.

Sarap ng Red Ribbon chocolate cake!

Binalibag Ni Choleng ng 9:47 AM at 0 Nagdilim ang Paningin