Pinagmumulta daw si Martin ng National Historical Institute (NHI) dahil sa maling pagkanta ng Lupang Hinirang.

Ang isang milyong piso kong tanong: Bakit siya lang?

Kamakailan lang sa Flash and the Furious, mabagal na inawit ng lead singer ng 6 Cycle Mind na si Ney Dimaculangan ang pambansang awit pero walang naging alingasngas. Deadma ba ang NHI dahil hindi gaanong 'nakakapuwing' si Ney o dahil sa lahat ng mga artists na kumanta ng pambansang awit eh si Martin lang ang nagbaba ng nota sa "da" (see illustration) para maibirit ang last note?

Bilang depensa sa mga artists, ako bilang isa ring manganganta, sadyang mahirap kantahin ang Lupang Hinirang lalo na't solo ka lang, live, a cappella at ilang libong tao ang nanonood sa 'yo. Sandamakmak kaya ang lyrics at syncopated pa ang rhythm kaya kung hindi ka isang Lea Salonga, masusunod mo nga ang 4/4 na kumpas ayon sa komposisyon ni Julian Felipe pero hindi mo na mahahagip ang ibang lyrics. Tendency ng ibang singer, bagalan ang tempo para maka-focus at mabigyang damdamin ang lyrics. Tingnan nyo si Christian Bautista, martsa nga ang ginamit n'yang tempo, nagmartsa naman ang lyrics.

Sana lang repasuhin ng NHI ang batas hinggil sa pagkanta ng Lupang Hinirang. Sana applicable lang sa mga brass bands or orchestras (i-single out ba) pero hindi sa mga solo singers dahil nakakawala ng artistry.

Sana lang maging tulad tayo ng Kano na puwedeng kantahin ang Star Spangled Banner depende sa gustong interpretation ng artist. 'Di ba Ateng Mariah?

Binalibag Ni Choleng ng 10:24 PM at 0 Nagdilim ang Paningin