Jomarie Jackson

Salamat sa di gaanong pananalasa ng bagyong Santi na umabot pa sa Signal#3 sa Metro Manila, natuloy ang panonood namin ni Jomarie ng This Is It at nakahabol pa sa despedida dinner ni Bonj sa SeaFoods Cubao.

Muntik ko ng di samahan si Jomarie dahil inakala kong conflict sa pa-dinner ni Bonj pero hapon naman si Jacko, gabi naman yung dinner kaya tumuloy na rin ako sa Shang. Laking pagsisisi ko siguro kung hinayaang kong ibenta sa iba ang pinareserbang ticket dahil ang ganda ng movie!

Inakala kong boring dahil isang documentary, mga footages ng rehearsals ng farewell concert sana ng King of Pop, pero hindi! Ipinakita ng pelikula kung gaanong ka-talentado at kabusisi si Michael in terms of choreography, musical arrangement et al, na perfectionist man siya ipinakita rin ang kanyang human side -- na hindi rin naman siya perfect, nagpa-flat at kinakapos din. That's why we have rehearsal, bukambibig nya.

Bahagyang naluha ako nang matapos ang pelikula dahil nasayangan ako sa ilang buwang rehearsal, sa madugong collaboration, sa kakaiba at kahanga-hangang musical arrangement, sa magagaling na dancers na nanggaling pa sa apat na sulok ng mundo, sa bonggang-bonggang stage at costume design at ang kakaibang concept ... hay ... sayang si Jacko.

Gone too soon.

P.S.

Sobrang panghihinayang, dami kong natibag sa dinner ni Bonj. Si Michael k'se eh!

Binalibag Ni Choleng ng 10:57 AM at 0 Nagdilim ang Paningin