"Pateros, Pateros ... isa na lang!" sigaw ng barker.

Uwing-uwi na ako at wala ako sa mood maghintay na mapuno ang jeep kaya agad akong sumampa. Ayos! Isang pisngi lang ng puwit ko ang kasya sa espasyo pero sumiksik pa rin ako. Marami namang bababa sa UMAK, isip-isip ko.

"Pakiayos lang po ang upo ... sampuan yan ... paupuin nyo si Ate," paalala ng barker sa mga pasahero dahil parang ayaw akong pasingitin ng mga ulangya.

Umusog ang babaeng nasa bandang kaliwa ko pero nagkomento: "Dapat k'se payat yung pinapasakay eh ... ang sikip-sikip na!"

Abaaa ... para na ring sinabi'ng mataba ako ah ... tekaaaa, isip-isip ko, pero hindi ko naibulalas dahil epal naman nya'ng pinausog ang iba. "Usog kayo para makaupo si Ma'am ... kawawa naman ..."

Matabil ang dila ng ale pero concerned din naman kaya dinedma ko na lang ang tirada pero palihim kong sinipat ang balakang. Hmp! Akala mo kung sinong kaseksihan eh sino kaya ang mukhang ref?

Tseh!!!

Binalibag Ni Choleng ng 12:37 PM at 0 Nagdilim ang Paningin