Kasarapan ng tulog ko nang gisingin ako ng matinding kalabog kasunod ng pagbagsak ng bandang ulunan ko. D'yos ko, gumuho yata ang kuwarto ko! Susuray-suray akong bumangon pero sinundan ng isa pang kalabog, bandang paanan ko naman ang bumagsak kasabay ng pagtumba ng table na kinapapatungan ng electric fan at pag-ilandang ng cellphone ko na nasa ilalim lang nito.

Hinigop na ba ng lupa ang bahay namin?

Ilang segundo bago ako nagbalik sa katinuan at napagtanto kung ano talaga ang nangyari. Hindi naman pala gumuho ang kuwarto ko ni nilamon ng lupa ang bahay. Ang hinayupak na poste ng kama ko, bumigay.

Bumigay?!?

Mahigit anim na taon na k'se ang assembled kong kama at matagal na ring uuga-uga. Malay ko ba namang natanggal na pala yung pagkaka-welding ng mga ugpungan?

Pinagtatawanan ako sa bahay. Wala naman daw akong kajerjeran para malansag ang kama ko. Ibig sabihin lang daw tumaba ako.

Magbiro na sa lasing, 'wag lang sa taong nagising dahil gumuho ang kama.

Grrr!!!

Binalibag Ni Choleng ng 10:40 AM at 0 Nagdilim ang Paningin