03.08.06

Namputsang buhay ito!

Nagmamadali akong umuwi dahil gustong kong habulin ang American Idol pero laking gulat ko nang makita kong sarado ang RCBC underpass.

Bakit na naman?

Naulinigan ko sa guwardiyang nakasalubong ko na may rally daw ang Gabriela. Para saan na naman? Hindi na ba sila nagsawa?

Anyway, nagawan ko ng paraan na mag-detour at lusutan ang nakaharang na lubid sa Amorsolo, kesehodang masira ang poise ko. Pagdating ko sa FX Terminal d'yan sa Standard Chartered (biyaheng Pateros ang ride ko) singhaba ng tumataya sa Lotto ang pila (gawa pa rin ng rally) pero okay lang. Nasa unahan ako ng pila meaning 'pag may dumating na sasakyan, sa akin ang best seat.

Yun ang akala ko.

Hindi FX ang dumating kundi isang lumang pampasadang van. Sa tabi ng driver ko piniling umupo pero bad move. Yun palang upuan eh "makina" sa totoong buhay at nagmukha lang upuan dahil pinatungan ng sandamakmak na tela at foam pero dahil traffic nga, higit na matagal ang biyahe. Tumagos ang init sa puwitan ko.

Hindi ko malaman kung ano'ng upo ang gagawin ko. Kilos talaga ako nang kilos. Sabi ng driver, "Mainit ba? ... Traffic kase eh" Inirapan ko lang. Sa isip ko, alam ng makina, ba't ginawang upuan, pero alam ko namang gusto lang niyang madagdagan ng kita. Imagine P30 din yung makina na ginawang upuan.

Matapos ang tila walang hanggan at nakakadiliryong impiyerno, nakarating din kami sa Pateros sa awa ng Diyos. Kung alam ko lang ang pangalan ng mga nag-rally, minura ko na silang isa-isa dahil hindi magiging mistulang tinapa ang puwet ko kung hindi dahil sa kanila!

Paksyet!

Binalibag Ni Choleng ng 1:40 AM at 0 Nagdilim ang Paningin