Di na ako nagmaaga sa kasal ni Haydee dahil hindi naman ako sa simbahan kakanta kundi reception na lang pero pagdating ko sa St Ignatius Cathedral (loob ng Camp Aguinaldo), nadaanan ko pa si Haydee, nagmamaganda at nagmumura ang cleavage sa bridal car. Parang ako lang ang hinihintay. Pagkabeso-beso ko sa mga Lucero (godparents ang mag-asawang Anna at Jolex) nagsimula ang bridal march.

Okay naman ang seremonya. 'Passable' ang pagkakakanta ng choir sa 'The Prayer' although nakulangan ako sa power (yes, nagmaganda!). May magaling sa choir, in fairness, pero merong mga sintunado na sumira sa ilang kanta nila. Sana wala na lang ako'ng tenga para hindi ko narinig ang mga sintunado. Nasira tuloy ang solemnity ng okasyon.

Anyway, tama na ang pagmamaganda, ibaling naman natin sa reception ang usapan. Kamalas-malasang malas, hindi rin ako nakakanta dahil ayaw basahin ng player ang CD ko. Ganun din yung sa isang kakanta sana. Ewan kung ano'ng klaseng player meron dito sa AFP Commissioned Officers Club. Dapat pala nagdala na lang ako ng sarili kong guitarist or pianist. 'Di na rin lang ako makakakanta, inatupag ko na lang ang pagkain (pabor?)

Haydee and Aris, nawa'y ang pagsasama nyo'y maging sing-ganda ng inyong chemistry, sing-sagana ng inyong handa at sing-synchronized ng inyong kuwelang dance number. 'Wag sanang maging sintunado tulad ng choir at sing-palpak tulad ng modista n'yo. Sa halos isang dekada ninyong pagkakakilala, sigurado akong matatag na ang pundasyon ninyo pero kapit pa rin.

Hindi laging kalmado ang dagat.

Some pics:

Ang 'hindi pinaghandaang' dance number

Table #3

April's fly

Who's the biggest ... este, the fairest?

Binalibag Ni Choleng ng 8:19 AM at 0 Nagdilim ang Paningin