Una kong marinig si Kris nung semi-finals singing Man in the Mirror, sabi ko madaling matatanggal ang mokong dahil weak ang vocals at tila walang dating. Akalain n'yong siya pa ang nanalo?

Glam rocker vs. acoustic rocker. Kumbaga sa sabong, liyamadong-liyamado si Adam kung tindig at tilaok rin lang ang pag-uusapan pero bakit nakalusot ang manok na dehado?

Simple lang. Charming k'se si Kris (kahit deformed ang mukha kapag kumakanta), boyish ang appeal, mahusay mag-arrange at mag-interpret ng songs, humble pero astig kapag nag-perform at higit sa lahat marketable. Oo nga't kahit saang anggulo eh lamang si Adam, pero high-end at nakakatakot ang sobrang kagalingan n'ya na sa tingin ko eh hindi pa arok ng nakararami. Personally, mas ida-download ko pa ang mga songs ni Kris sa iPod ko.

Anyway, tulad nga ng paulit-ulit na sinasabi ng mga AI judges, life does not end with Idol. I'm sure may career si Adam ... sa teatro ... o baka siya ang kuning lead singer ng Queen... bagay na bagay!!!

Finally, hindi na ako muntik-muntikang ma-late tuwing Miyerkules at Huwebes. Natapos na rin ang Season 8.

Hanggang sa susunod na season!

P.S.

Konting opinyon hinggil sa finals night:

Nakakasulasok ang mahabang dila ni Gene Simmons ng Kiss ... Walang kakupas-kupas si Cyndi Lauper pati na ang Black Eyed Peas ... Vavavoom rin ang wankata ni Kara DioGuardi pero ewan ko ba, hag ang tingin ko sa kanya most of the time ... 'Di ko akalaing composer at tumutugtog ng banjo si Steve Martin. 'Di ko ganong trip ang country music pero nagustuhan ko ang Pretty Flowers... Magka-career sana sina Tatiana, Norman Gentle at Bikini Girl matapos ng kahihiyang ginawa nila ... Anoop pa rin ang manok ko kahit di nanalo.

Binalibag Ni Choleng ng 10:10 AM at 0 Nagdilim ang Paningin