'Nung una, inside job na nakawan. P120K halos ang natangay ng dalawang halang ang kaluluwa naming boy; ikalawa, yung kapit-bahay naming sinto-sinto na basta na lang pumasok at walang kaabog-abog na dumampot ng 3 bote ng San Miguel Mucho pero kakaiba ang nangyari kaninang madaling-araw.

Pinuwersang buksan ang accordion window ng tindahan at tinira ng vault cutter ang dalawang padlock at mismong sa maliit na bintana ng tindahan pumasok para limasin ang naiwang 'panukli' ng Mom ko na nagkakahalaga ng humigit-kumulang na 40K din daw.

SOCO

Hindi birong hirap ang tinitiis ng mga magulang ko at hindi kami mayaman para talbusan ng ganito. Ipagpasa-Diyos na lang ulit?

Hay, sana may CSI Taguig. I'm sure nagkalat pa ang fingerprint ng suspect (o suspects) sa tindahan namin.

(Maging vault cutter sana ang mga ari nyo!)

Binalibag Ni Choleng ng 7:36 AM at 0 Nagdilim ang Paningin