Sa dinami-dami naman ng numerong mabubunot ni Manager Xiao, bakit number 1 pa? Anak ng ... tindi ng pressure. Unang elimination tapos ako pa ang una'ng sasabak ...

Kumusta naman!

Kaninang umaga, ipinarinig namin ni Gab (yes, from Gabriel yan na ang tawag ko sa kanya ... nagiging close na eh) sa mga Tech and Telco bossings (pati na rin sa bago kong bossing sa Command center) ang kakantahin namin. Nauna akong ngumawa (yes, ngawa talaga dahil 5 AM pa lang, hirap kumanta). Okay naman ang reviews, kailangan daw akong maging maingat sa mga high notes at maging conscious sa pagbigkas ng ilang salita. Ang mokong na Gab na kulang na lang maglupasay dahil naunahan siya sa Come Together ay kahanga-hanga ang rendition ng Heaven sa saliw ng mahiwaga nyang keyboard. Hanggang 6 AM ang reservation namin sa Training Room 1 pero maagang natapos kaya nag-jamming na lang kami. Alam palang tugtugin ni Gab ang If I Ain't Got You, pumayag na tugtugan ako sa 3rd elimination kung suwerteng umabot.

Kahit na gamay ko na ang Help dahil ilang taon ko na rin itong kinakanta, maganda naman ang reviews at narinig ko na rin namang kumanta ang mga kalahok noong meet and greet kaya alam ko na kahit papaano ang estado ko pero todo pa rin ang kaba ko. Kahit na binulungan pa ako ni Xiao na non-elimination round daw ito (nakita n'ya sa kakalat-kalat na script ng mga hosts) di pa rin naalis ang daga sa sistema ko. Ikaw na ang mauna, idagdag pa na muli akong magsusuot ng fishnet sa mataas at nakaka-intimidate na idol stage!

Buti na lang at kahit na kinakabahan ako ay nanaig ang composure ko. Nakuha ko pang mag-stand up comedy nang mabulilyaso ang sound system -- maling cut ang pinatugtog nung una tapos nang makuha ang tamang kanta, ayaw namang humiwalay ang boses sa tugtog! -- isang bagay na ikinapuri ni Judge Henry. Karaoke naman daw ang pagkakakanta ko at hindi gaanong rock ang dating sabi ni Prof samantalang sobrang conscious daw ako sa damit ko pero maagang nag-predict si Judge Orly na magtatagal pa ako sa competition.

Gaya ng inaasahan, wala ngang natanggal. Bukas k'se ang simula ng Baseco Week (isang Idol activity bilang precursor sa Unity for a Cause theme) at awkward nga naman na tanggal ka na pero pupunta ka pa rin para mag-tutor sa mga bata. Sad to say, pang-5 daw ako sa ranking but the good news is, I'm still in! (ay, wala nga palang tanggal!) Kasama sa Top 3 ang ka-tag team kong si Gab (way to go, partner!), si Chie (Come Together) at Anz (Living on a Prayer).

Kapansin-pansing nahirapang lahat sa rock na tema, may ilan pa nga na nag-take 2 (isa na dun si Gab), dahil karamihan ay hindi rocker. Hopefully, wag sanang mangyari sa susunod na linggo -- Unity for a cause ang theme. Hay, hagilapan na naman ng minus one.

Heto ang ilan sa mga larawan:

Idol Stage

Help!

Judges Henry, Orly and Prof

Bistek clients -- Ray & Brett, the best!!!

Q&A

Classic Rock & Roll result

P.S.

Isang malaking pasasalamat sa mga tumulong, nanood at tumili sa akin (alam nyo na kung sino-sino kayo -- ehem ... Anna, Leo ... grabe!) Promise, ito na ang huling beses na magsusuot ako ng fishnet at magpapakita ng pata!

Kaumay!!!

Binalibag Ni Choleng ng 10:48 AM at 0 Nagdilim ang Paningin