10.01.06

In between jamming with KOC and Circles, muling napag-usapan ang aking kalagayan at sa ikalawang pagkakataon, inihandog na naman ni Papa Bo -- ka-choir, kaibigan, kumpare at isang abogado -- ang libreng serbisyo makaalis lang ako sa Cruz na kinapapakuan ko.

Ang plano eh sasampahan ng kasong "concubinage" ang ulangya at mula dun eh tuloy-tuloy na. Isang tanong ni Papa Bo ang hindi ko nabigyan ng kasagutan:

"Handa ka na ba?"

Handa na nga ba ako? Handa ko na ba siyang harapin? Dalawang taon matapos ko syang layasan ni hindi ko nakita ang dulo ng buhok ng animal at hindi ko rin alam kung ano ang magiging reaksiyon ko pag nakita ko sya. Nung minsang ngang inakala ko'ng siya ang nakita ko sa Pasig, nanlamig na ang kamay ko at madaan lang ako malapit sa Bambang bumabaligtad na ang sikmura ko. Paano kaya kung magkaharap pa kami?

Handa na ba akong mabulabog ang payapa kong daigdig? Panigurado kapag sinimulan ang kaso, hahalukayin pa ang nakaraan. Kailangan eh. Papaano kung matungkab ang langib likha ng sugat? Handa ba akong tiisin ang antak?

"In order to build, you have to destroy," ayon sa isang kasabihan pero handa na ba akong masira para makapagsimula muli?

Isang malutong na HINDI ang kasagutan ko sa ngayon. Eh kailan ako magiging handa?

Isang taon pa, puwede? Malay natin, ma-salvage eh di nakatipid pa ko?

Binalibag Ni Choleng ng 10:57 AM at 0 Nagdilim ang Paningin