Ilang Kuyog event na rin ang hindi ko nadaluhan kaya naman ngayong birthday ni Mama Luz, ang dakilang ina ng Kuyog, talagang pinilit kong makarating.

12 NN pa lang umalis na ako ng bahay para makaabot sa salo-salo sa Burgos, Montalban. Ilang beses na rin akong nakapunta sa kanila kaya tantiya ko mga 2 PM ako makakarating pero anak ng tinapa, sa tindi ng traffic sa Ampid, 4 PM na ako nag-touchdown sa Felicidad.

Pambihira, bihira na nga lang akong magawi pero lagi na lang bumper-to-bumper pagdating ng Ampid.

Kumusta ka naman?

Hindi pa ako nakakapag-lunch kaya pagkarating, konting chika-chika lang at nanginginig-nginig at nanlalamig pa ang kamay akong humakot ng pagkain. Sulit naman ang pagod. Muli ko nakita ang mga old friends (literally getting old pero may mga asim pa rin), nakasagap ng maiinit at malalaswang chikahan, bumaha ng pagkain at san ka pa, may libreng dog show mula sa makulit nilang alagang si Chuva. (Children's party?)

Pakipot pa si Chuva (isang Beagle, hindi mudblood ha!) nung una pero bandang huli, game na game na.

10 stars sa obedience!

">

Mama, salamat sa masaganang handaan at sa dog show.



Kami naman ni Toyang ang susunod na magbe-birthday. Ano kayang magandang gimmick? Abangan sa muling pagkikita ng Kuyog.

Binalibag Ni Choleng ng 9:29 AM at 0 Nagdilim ang Paningin